麥田捕手 第九章 廣東話初繹稿
Monday 24 December 2018
我完全係魂魄唔齊咁,我同司機講咗我平時嗰地址,習慣得濟——我意思係我完全唔記得咗我係諗住去揾間酒店匿埋兩三晚唔返屋企住,直到嗰假期開始為止。我一路都無為意,直到架車駛過咗半個公園。跟住我話:「喂,你可唔可以調返轉頭,有機會嗰時?我畀錯咗嗰地址你。我想去返市中心。」嗰司機係個聰明人。「呢度調唔到頭喎阿生。呢邊單程路。家陣要一路開到第19街先得。」
我唔想同佢嘈。「Okay。」我答。跟住我諗起樣嘢,無啦啦。「喂,聽住,」我話。「中央公園南邊嗰湖咪有啲鴨嘅,你知唔知 ?嗰細湖仔呢?你估呢,你會唔會咁啱就知佢哋會去邊,啲鴨呢,當嗰湖仔結晒冰嗰時?有無機會,你會知呀?」我醒覺到,嗰機會係一百萬分之一。
佢擰轉身望住我,好似我係嗰痴線佬咁。「你想做乜呢,老友?」佢話。「你想玩嘢呀?」
「唔係——我只係有興趣想知咋,就係咁。」
佢無再講任何嘢,所以我都無。直到駛到出公園喺第十九街出返嚟嗰時。跟住佢話「好喇,老友。去邊呢?」
「喇,就咁嘅,我唔想住喺任何一間喺東邊嘅酒店,嗰邊我隨時會撞到識嘅人。我 想自己靜靜地旅行。」我話。我最憎講呢啲扮晒蟹嘅說話,例如自己靜靜地旅行。但如果我係同緊嗰扮晒蟹嘅人一齊,我永遠都做到扮晒蟹咁。「有無機會,你會知邊隊Band而家係喺Taft或The New Yorker度呢?」
「唔知喎阿生。」
「咁呀——車我去Edmont嗰度呀咁。」我話。「你會唔會想喺中間停一停,同我去飲杯Cocktail?我請。我有錢呀。」
「唔得呀阿生。唔好意思吖。」佢真係嗰幾好嘅腳。性格無得彈。我
我哋去到Edmont酒店,我就去Check in。我戴起咗我頂紅色獵帽,喺的士入邊嗰時,就因為我想戴起佢,但我除返低佢,喺我Check in 之前。我唔想睇落去似過痴線佬。都幾諷刺。嗰時我唔知間死人酒店有大把變態佬同磨碌。痴線佬嗰度周圍都係。
佢哋畀咗差到嘔嘅房我,望出窗咩都無,除咗另一面嘅酒店。我嗰時無理咁多,我灰到理唔到間房望唔望到好風景。帶我去間房嗰門僮係好老嘅男人,六十五歲度啦。佢望落去仲灰過間酒店房。佢係嗰啲會啲淨低嘅頭髪由一邊打橫梳到去另一邊想遮住嗰光頭嘅禿頭佬。我寜願完全光頭都好過咁做囉。總之,呢份工真係正呀,對個六十五歲嘅人嚟講。幫人拎行李然後等人畀貼士。我估佢智商未必係正常嘅,但總之份工都係差㗎喇。
佢走咗之後,我望住嗰窗望咗一陣,仲著緊我件大褸又剩咁。我無其他嘢好做。酒店嘅另一邊發生緊啲咩,真係講你都唔信。佢哋甚至懶得帶低嗰窗簾呀。我見到嗰男人,白髮嘅男人,嗰樣好鮮明好易認嘅男人,佢只係著住條底褲,做咗啲我講你都唔會信嘅事。首先,佢將佢嗰箧放上床。跟住佢喺篋度拎咗堆女人衫出嚟,然後著起佢哋。真正嘅女裝——絲襪,高踭鞋,胸圍,仲有個腰封,啲綁繩吊晒落嚟嗰種。之後佢著起咗件窄身嘅黑色晚裝裙。我發誓我講真㗎。佢開始喺佢間房行來行去,細細步咁行,好似女人咁行,同埋食住枝煙喺鏡度望住自己。佢都係,得自己一個。除非有人喺洗手間入邊——我睇唔到咁多。然後,差唔多喺正佢間房右邊隔籬隻窗,我望到一男一女,互相用口噴水噴向對方嗰度。可能係highballs嚟,唔係水,但我睇唔到佢哋隻杯到底著咗啲咩。總之,佢首先呢,會含一啖喺口,再噴到嗰女仔成身都係,然後就到嗰女仔對佢咁做——佢哋輪流咁做呀頂。你真係要䏲到佢哋係點呀。佢哋兩個都癲咗咁嗰段時間,好似咁做係世上最有趣嘅事。我唔係講笑,呢間爛酒店真係有好多變態嘅人。我分分鐘係呢間酒店入面唯一一條正常嘅粉皮- 雖然都唔係好好多。我差啲就想發電報畀Stradler 叫佢搭頭班火車嚟紐約。佢嚟咗間酒店真係做皇帝呀。
問題係呢,呢啲咁嘅垃圾嘢睇落其實係幾正,就算你唔想佢係。就好似係,嗰個畀人噴水噴到成面都係嗰個女仔咁,佢係幾靚㗎。我想講呢樣真係我係大缺點嚟。係我心入面,我九成九會係你成世人見過最咸濕嘅痴線佬。有時我會諗到啲好嘔心嘅事但如果有咁嘅機會我唔會介意試下。我可以想像其實可以幾好玩㗎,嘔嘔哋心地,如果你哋兩個人都醉醉地,同個女仔喺度吐水或吐乜都好啦,噴到互相成身都係。問題係,不過,我唔中意呢個諗法。呢個諗法真係食得屎,如果你認真諗一諗就知。我覺得如果你唔係真係中意嗰女仔,你就唔應該咁樣同佢玩玩下啦,同埋如果你係真係中意嗰女仔,咁你應該係會都中意佢嗰樣,咁如果你中意佢嗰樣,你應該要小心啲對佢塊面做卡呢嘢,好似噴水噴到佢成面都係咁。真係好衰其實,有時啲垃圾嘢就係零舍有趣嘅 。女仔,喺呢個環境都唔會有咩幫助,當你開始嘗試唔好咁卡呢,當你開始賞試唔好Spoil anything really good。我識過一個女仔,兩三年前度啦,佢仲衰過我!頂,佢真係好Crumby㗎!我哋一齊嗰時係幾趣嘅不過,開頭嗰時,唔多掂地。性,係一樣我唔係太明嘅事!你永遠唔會知你喺邊度。我不停咁作啲扑嘢規矩出嚟畀自己,然之後我又一條都唔鬼理。舊年我定咗條規矩係我唔會再同啲女仔揈,如果暗啞底我係頂佢哋唔順的話。我照犯咗呢條規矩,不過,就喺我訂規矩嗰個星期-直情係同一晚,事實上係。我成晚同呢個扮嘢到痴咗線嘅女仔Anne Louise Sherman揈。性,呢家嘢我真係唔明。我對天發誓我唔明。
我開始覺得呢個主意幾好,喺我繼續企喺度嗰時,就係打電話畀Jane-我意思係打長途電話去B
.M 畀佢,佢喺嗰度讀,而唔係打畀佢阿媽問佢幾時先返。你唔應該夜媽媽打去叫醒學生,但我度好晒㗎喇,我諗住同聽電話嗰個人講我係佢Uncle。我會話佢阿姨撞車死咗,我要即刻同佢講。一定會過到骨,同埋。唯一原因我無咁做係因為我無咁嘅mood 。如果你嗰Mood唔啱嘅話,呢啲嘢你唔會做得掂。
過咗陣,我坐低咗櫈度,食咗兩三枝煙,我開始好緊火。我無得唔認。跟住,突然之間,我諗到啲嘢。我拎個銀包出嚟,開始喺度揾我舊年暑假喺嗰Party撞到嗰喺Princeton讀嘅人畀我嘅地址。最後我揾。張紙畀我銀包印晒啲好奇怪嘅色上去,但你仲可以讀到上面寫乜。係嗰女仔嘅地址嚟,佢唔係真係做雞嘅,但唔介意偶爾做一兩次,Princeton仔話我知嘅。佢試過帶佢去Princeton嘅舞會,佢哋幾乎踢佢出校。嗰女人以前係跳脫衣舞嘅。總之,我行咗過電話嗰度打畀電話畀佢。佢嗰名係Faith Cavendish,住喺Broadway同65號大道嘅Standord Arms Hotel 。垃圾酒店。肯定係。
等咗陣,我開始覺得佢唔喺屋企或者點。一路都無人聽電話。
跟住,終於,有人聽電話。
「Hello?」我話。我壓 沈咗自己把聲等佢唔會懷疑我年紀。我把聲本身都已經沉不過。
「Hello。」一把女人聲答。唔係好友善咁答。
「請問係咪Miss Faith Cavenish?]
「係邊個呀你?、佢話。「你係邊鬼個呀咁夜打嚟?」
我有啲嚇親。「呀,我知而家係有啲夜。」我話,用把好成熟嘅聲講 。「真係唔好意思,我只不過係想快啲聯絡到你。」我把聲有咁成熟穩重得咁成熟穩重。真係㗎。
「你係邊個?」佢話。
「喇,你唔識我嘅,但我係Eddie Birdsell嘅朋友。佢提議我如果喺紐約,就應該揾你出嚟一齊飲返杯Cocktail。、
「邊個呀?你係乜水嘅朋友呀?」頂,隔咗嗰電話,佢簡直係隻老虎咁。佢幾乎係喝緊我咁大聲。
「Edmund Birdsell. Eddie Birdsell。」我話。我唔記得佢嗰名係Edmund定Edward。我淨係見過佢一次咋,喺嗰爛鬼Party。
「我唔識人叫呢個名喎。同埋如果你覺得 我中意畀人半夜叫醒......」
「Eddie Birdsell? 喺Princeton讀嗰個?」我話。
你可以聽得出佢喺嗰心度諗緊係邊度聽過嗰名。
「Birdsell, Birdsell......喺Princeton讀嗰名......Princeton 書院?」
「無錯呀。」我話。
「你係Princeton書院讀嘅?」
「嗯,差唔多啦。」
「啊......Eddie點呀?」佢話。「呢個時間打嚟叫醒人,真係好騎呢。不過。頂你個肺。」
「佢幾好。佢叫我問侯你呀。」
「幾多,多謝。幫我同佢打聲招呼。」佢話。「佢係嗰好人。佢做緊啲咩呀?」佢變到勁友善,突然之間。
「啊......你知啦,都係嗰啲嘢喇 。」我話。我點鬼樣知佢而家做緊乜。我幾乎係唔識佢。我甚至唔知佢係咪仲讀緊Priceton呀。
「喂。」我話。「你會唔會想出嚟見個面飲杯Cocktail?」
「你知唔知而家幾點呀?」佢話。「是但啦,你叫咩名呀,我想問。」佢Chok咗嗰英國口音出嚟,突然之間。
「你聽落似乎好細個。」
我笑咗。「多謝你咁樣讚我喎。」我話- 最老成嘅聲。「Holden Caulfeid 我叫做。」我嗰時應該畀個假名佢,但我諗都無諗過。
「Cawffle 先生,我無咁嘅習慣 喺半夜約人出去。我要返工㗎。」
「聽日係星期日喎。」我話佢知。
「嗱,總言之,我要去瞓我嘅美容覺喇。你明白㗎啦。」
「 我諗我哋一齊可以去飲一杯。都唔係太夜啫。
「你真係Sweet呀。」佢話。「你喺邊度打嚟?你而家喺邊呀,同埋?」
「我?我喺嗰電話亭。」
「吓。」佢話。跟住停咗好耐。「「嗱,我真係有機會同你見面,Cawffle先生。你把聲好有魅力。你聽落去似係一個好有吸引力嘅人。但而家太夜喇。」
「我可以去你嗰度。」
「喇,平時嘅話,我會話無得彈。我意思係我會好開心你嚟揾我飲杯,但我室友咁啱痛咗。佢瞓咗喺度成晚,但完全無瞓過。佢啱啱呢一分鐘先眯埋眼瞓著。我意思係。」
「啊。真係唔好彩。」
「你喺邊度住?可能我哋聽日見一見飲杯嘢。」
「聽日我唔得。」我話。「今晚係我唯一得嘅時間。」我真係好傻仔嗰時。我唔應該咁講。
「吓。嗯,真係唔好意思喇。」
「我會幫你同Eddie打招呼。」
「你會咁做?我祝你喺紐約玩得開心啲。呢度係笪好地方。「
「我知呀呢度係正呀。多謝。Good night. 」我話。跟住我就收咗皮。
頂,我真係搞Wor晒。我應該要同到我飲杯嘢又或者點都好啦起碼。
我笑咗。「多謝你咁樣讚我喎。」我話- 最老成嘅聲。「Holden Caulfeid 我叫做。」我嗰時應該畀個假名佢,但我諗都無諗過。
「Cawffle 先生,我無咁嘅習慣 喺半夜約人出去。我要返工㗎。」
「聽日係星期日喎。」我話佢知。
「嗱,總言之,我要去瞓我嘅美容覺喇。你明白㗎啦。」
「 我諗我哋一齊可以去飲一杯。都唔係太夜啫。
「你真係Sweet呀。」佢話。「你喺邊度打嚟?你而家喺邊呀,同埋?」
「我?我喺嗰電話亭。」
「吓。」佢話。跟住停咗好耐。「「嗱,我真係有機會同你見面,Cawffle先生。你把聲好有魅力。你聽落去似係一個好有吸引力嘅人。但而家太夜喇。」
「我可以去你嗰度。」
「喇,平時嘅話,我會話無得彈。我意思係我會好開心你嚟揾我飲杯,但我室友咁啱痛咗。佢瞓咗喺度成晚,但完全無瞓過。佢啱啱呢一分鐘先眯埋眼瞓著。我意思係。」
「啊。真係唔好彩。」
「你喺邊度住?可能我哋聽日見一見飲杯嘢。」
「聽日我唔得。」我話。「今晚係我唯一得嘅時間。」我真係好傻仔嗰時。我唔應該咁講。
「吓。嗯,真係唔好意思喇。」
「我會幫你同Eddie打招呼。」
「你會咁做?我祝你喺紐約玩得開心啲。呢度係笪好地方。「
「我知呀呢度係正呀。多謝。Good night. 」我話。跟住我就收咗皮。
頂,我真係搞Wor晒。我應該要同到我飲杯嘢又或者點都好啦起碼。
edit
No comments:
Post a Comment