麥田捕手 第八章 廣東話初繹稿
Friday 16 November 2018
嗰時要叫的士搭已經太晏,所以我一路行咗落車站。唔係太遠嘅,但就凍到傻,同埋啲雪搞到條路好難行,我嗰走佬袋又不停咁撞我對腳。 我幾享受啲空氣嘅,不過。唯一問題係,凍到我鼻哥痛,同埋我上唇,畀Stradlater打傷我嗰個位。佢打到我唇撞落棚牙度,真係好痛。我對耳就還好,同暖。我買嗰頂帽連埋耳兜嘅,我戴住咗 -我理得佢我望落去係咩樣。反正都無人喺度。 個個人都喺床瞓緊啦。
我都幾好彩行到去車站嗰時,因為我只係要等十分鐘就有火車。等緊嗰陣,我用手接咗啲雪,用嚟洗面。我塊面仲係有好多血。
平時我都幾中意搭火車,特別係喺夜晚嗰時,燈著住而窗黑忟忟,然後會有人行上嚟賣咖啡三文治同雜誌。我通常都會買個腿治同四本雜誌。如果我夜晚搭火車,我通常都可以連嗰啲雜誌上面嘅白痴故仔都接受到,睇到一個半個仲唔會作嘔。你知啦。嗰啲故仔通常都有好多扮晒蟹嘅人, 例如叫David嘅粉皮,同埋好多扮晒蟹嘅女仔,叫Linda嘅或又者係Marcia,個個都喺度爭住幫啲David點煙。搭夜晚嘅火車嗰時我連呢啲白痴故仔都睇得落,通常。但今次,今次唔同。我就係唔想。我就只係坐咗喺度咩都無做。我做咗嘅就係除低頂獵帽放咗落咗嗰衫袋。
突然之間,呢位女士喺Trenton上車坐咗喺我隔籬。基本上架車可以話係空嘅,因為已經好夜 ,但佢都係坐咗喺我隔籬,而唔係坐去其他空位,因為佢拎住嗰大袋而我坐喺最前排。佢掟咗嗰袋喺走廊中間,隨時會絆倒服務員同其他人。佢身上戴咗三朵蘭花,好似係去完啲大派對咁。佢應該大約四十歲或者四十五歲,我估,但佢係好靚嘅。女人真係攞我命。女人真係㗎。我唔係話我成日都諗淫嘢又或者點,雖然我係幾好色嘅。我只係中意佢哋,我意思係。佢哋永遠會就咁放嗰死人袋喺路中間。
總之,我哋就坐緊喺度啦,突然之間佢同我講: 「唔好意思呀,我想問嗰個係咪Pency嘅貼紙嚟㗎?」佢抬頭望住我嗰袋,喺嗰行李架上面。「係呀。」我答。佢講得無錯。我的確係貼咗張死人Pencey貼紙喺我其中一個袋上面。好扮嘢呀嘛,我認。
「呀,咁你喺Pencey讀嘅?」佢話。佢把聲好好聽。至少,係喺電話度聽會好聽嗰種。佢應該要帶住部死人電話周圍走。
「係呀。」我答。
「真係好呀。你可能識我嗰仔喎,Ernest Morrow呢?佢都係Pencey讀㗎。」
「我識呀。佢係我嗰班嘅。」
佢嗰仔肯肯定係去讀Pencey嘅入面最最仆街嘅一個,係成個Pencey 史上呀。佢次次都會行落走廊,喺佢沖完涼之後,用佢條又殘又舊嘅濕毛巾打人籮柚。 佢就係呢種粉人喇。
「真係好呀!」嗰女士話。唔係扮嘢。佢就只係友善咁解。「我一定要話畀Ernesr知我哋撞到。」佢話。「你介唔介我問你咩名呀?「
「Rudolf Schmidt」我答佢。我唔諗住要喺度同佢講我嘅人生。
Rudolf Schmidt 係我哋宿舍嗰清潔工人。
「你中唔中意Pencey?」佢問我。
「Pencey?唔太差嘅。唔係去話佢係天堂咁定咩,但至少佢係同大部份學校一樣咁好。有啲學系都幾唔錯。」
「Rudolf Schmidt」我答佢。我唔諗住要喺度同佢講我嘅人生。
Rudolf Schmidt 係我哋宿舍嗰清潔工人。
「你中唔中意Pencey?」佢問我。
「Pencey?唔太差嘅。唔係去話佢係天堂咁定咩,但至少佢係同大部份學校一樣咁好。有啲學系都幾唔錯。」
「Ernest真係好中意學校。」
「我知佢中意呀。」我答。跟住我就開始喺度吹咗陣水。
「佢適應得好好。佢真係㗎。我意思係佢真係點樣去調節自己。」
「你真係咁諗?」佢問我。佢聽落真係好有興趣。
「Ernest喎?梗係啦。」我話。跟住我望住佢除佢對手套。頂,佢真係好笨手笨腳。
「我知佢中意呀。」我答。跟住我就開始喺度吹咗陣水。
「佢適應得好好。佢真係㗎。我意思係佢真係點樣去調節自己。」
「你真係咁諗?」佢問我。佢聽落真係好有興趣。
「Ernest喎?梗係啦。」我話。跟住我望住佢除佢對手套。頂,佢真係好笨手笨腳。
「我整崩咗指甲,落的士嗰陣。」佢話。佢抬起望我
,微笑咗下。佢嗰微笑真係好好睇。佢真係㗎。大部份人一連係微笑都唔會有,一係就微笑得好難睇。「我同Ernest阿爸有時仲會擔心佢。」佢話。「我哋有時會 擔心佢同人相處唔埋。」
「即係點樣呀?」
「嗯。佢係個好敏感嘅男仔。佢從來都唔會識同其他男仔好好相處。可能因為佢睇嘢太過認真喇,對比起佢嗰年紀。」
敏感。殺咗我啦。Morrow條友敏感度最多係同屎塔一樣。
敏感。殺咗我啦。Morrow條友敏感度最多係同屎塔一樣。
我好好地望咗佢一眼。 佢望落去唔似係蠢人。佢望落去應該會好清楚佢自己嗰仔有幾咁仆街。但你永遠都無法子肯定- 特別係講緊人哋阿媽,我指嘅係。啲阿媽總係有啲啲痴線。不過,咁,我中意Morrow阿媽。佢幾正路。「你食唔食枝煙呀?」我問佢。
佢望咗望左右。「我唔覺得呢卡係食得煙㗎,Rudolf。」佢話。Rudolf。我頂。
「無問題嘅。我們可以食到佢哋喝停我哋為止。」我話。佢喺我手上拎咗枝煙,我幫佢點火。
佢望落去好好睇,食煙嗰陣。佢有吸到,但佢無吸到落肺,就好似大部份佢呢個年齡嘅女人咁。佢好有魅力。佢都幾性感,同埋,如果你真係咁想知嘅話。
「無問題嘅。我們可以食到佢哋喝停我哋為止。」我話。佢喺我手上拎咗枝煙,我幫佢點火。
佢望落去好好睇,食煙嗰陣。佢有吸到,但佢無吸到落肺,就好似大部份佢呢個年齡嘅女人咁。佢好有魅力。佢都幾性感,同埋,如果你真係咁想知嘅話。
佢有啲奇怪咁望住我。「可能係我搞錯啦,但我諗你嗰鼻流緊血呀。」佢話 。突然之間。
我點點頭,拎出咗我條手巾。「我畀個雪球打中咗。」我話。「結晒冰嗰種。」我可能會同佢講真正係發生咗咩事,但要講實在係有排講喇。我中意佢嘅,不過。我開始有啲唔好意思話咗畀佢聽我叫Rudolf Schmidt。「艾仔呢,」我話。「佢喺Pencey 好受人歡迎㗎,你知唔知㗎?」
我點點頭,拎出咗我條手巾。「我畀個雪球打中咗。」我話。「結晒冰嗰種。」我可能會同佢講真正係發生咗咩事,但要講實在係有排講喇。我中意佢嘅,不過。我開始有啲唔好意思話咗畀佢聽我叫Rudolf Schmidt。「艾仔呢,」我話。「佢喺Pencey 好受人歡迎㗎,你知唔知㗎?」
「我唔知呀。」
我點點頭。「大家都用咗好耐時間先知佢係點嘅人。佢份人幾有趣。一個奇怪嘅人,係好多方面都係——你知唔知我咩意思?就好似我第一次見到佢,我以為佢係嗰啲串串頁嘅人。嗰時我係咁樣諗。但佢唔係咁。佢份人只係零舍唔同,要多啲時間先可以明白到。」
Morrow太一句嘢都無講,但唉,你真係要親眼望到佢係點。我真係令到佢專心到不得了。你是但揾個人嘅阿媽試下,佢哋想聽嘅就係有人話畀佢聽佢嗰仔有幾咁掂。
我點點頭。「大家都用咗好耐時間先知佢係點嘅人。佢份人幾有趣。一個奇怪嘅人,係好多方面都係——你知唔知我咩意思?就好似我第一次見到佢,我以為佢係嗰啲串串頁嘅人。嗰時我係咁樣諗。但佢唔係咁。佢份人只係零舍唔同,要多啲時間先可以明白到。」
Morrow太一句嘢都無講,但唉,你真係要親眼望到佢係點。我真係令到佢專心到不得了。你是但揾個人嘅阿媽試下,佢哋想聽嘅就係有人話畀佢聽佢嗰仔有幾咁掂。
然後我就真係可以落力吹喇。「佢有無話畀你聽場選舉呀?」我問佢。「班會選舉呢?」
佢搖搖頭。我講到佢入晒迷咁。我真係㗎。
「我哋幾個想艾仔做班會主席。 唔使傾啦,佢一定係最啱做嗰個。我意思佢係唯一個男仔可以做得嚟。」我話——哈我真係吹到呢。「但另一個男仔,Harry Fencer,最後畀人選咗做。佢之所以獲選嘅理由,好簡單好明顯,係因為艾仔唔肯畀我哋提名佢。因為佢太怕醜太謙虛喇。佢唔肯......唉,佢真係好怕醜。你真係要佢試試跨過呢步呀。」我望住佢,「佢無同你講呢件事?」
佢搖搖頭。我講到佢入晒迷咁。我真係㗎。
「我哋幾個想艾仔做班會主席。 唔使傾啦,佢一定係最啱做嗰個。我意思佢係唯一個男仔可以做得嚟。」我話——哈我真係吹到呢。「但另一個男仔,Harry Fencer,最後畀人選咗做。佢之所以獲選嘅理由,好簡單好明顯,係因為艾仔唔肯畀我哋提名佢。因為佢太怕醜太謙虛喇。佢唔肯......唉,佢真係好怕醜。你真係要佢試試跨過呢步呀。」我望住佢,「佢無同你講呢件事?」
「係呀,佢無講過。」
我點點頭。「艾仔係咁。佢係唔會講。佢係得呢個題,佢太怕醜太謙喇。你真係要佢放鬆嗰人呀有時。」
咁啱,嗰服務員嚟查Morrow太張飛,畀咗機會我唔使再吹落去。我幾開心我有咁樣吹咗陣嘅,不過。你求其執條Morrow咁嘅友仔,成日拎條毛巾打落其他人籮柚——真係想打傷人嗰隻——佢哋唔會淨係喺細個嗰陣係粉皮。佢哋成世人都會係條粉皮。但我可以輸賭,我咁樣吹完之後。Morrow太由而家開始會一路都覺得佢係個又怕醜又謙嘅人,連我哋提名佢做班會主席都唔肯。佢可能會㗎。你無得講。啲阿媽係呢方面都唔會咁醒。
我點點頭。「艾仔係咁。佢係唔會講。佢係得呢個題,佢太怕醜太謙喇。你真係要佢放鬆嗰人呀有時。」
咁啱,嗰服務員嚟查Morrow太張飛,畀咗機會我唔使再吹落去。我幾開心我有咁樣吹咗陣嘅,不過。你求其執條Morrow咁嘅友仔,成日拎條毛巾打落其他人籮柚——真係想打傷人嗰隻——佢哋唔會淨係喺細個嗰陣係粉皮。佢哋成世人都會係條粉皮。但我可以輸賭,我咁樣吹完之後。Morrow太由而家開始會一路都覺得佢係個又怕醜又謙嘅人,連我哋提名佢做班會主席都唔肯。佢可能會㗎。你無得講。啲阿媽係呢方面都唔會咁醒。
「你會唔會想飲杯雞尾酒呀?」我問佢。我自己嗰時就真係想飲返杯。「我哋可以去餐車嗰度。好無呀?」
「哎吔,你可唔可以叫酒飲㗎?」佢問我。佢唔係喺度扮蟹,不過。佢太有魅力喇要扮蟹嚟講。
「嗯,唔可以,實際上嚟講。但我通常都買到,因為我嘅高度。」我話。「同埋我都有幾多白頭髮。」我擰側嗰頭畀佢睇我啲白頭髮。真係睇到佢呢。「嚟啦,一齊行啦,做咩唔行呀?」我話。我會好開心佢同我一齊去嘅話。
「我真係覺得我都係唔去好啲。多謝你叫埋我呀,不過。」佢話。
「同埋,餐車好可能都閂咗㗎喇。好夜喇,你知啦。」佢係啱嘅。我完全唔記得晒係咩時間。
跟住佢望住我,問我我驚緊佢會問嘅問題。「Ernest寫嚟話佢會星期三返到屋企,聖誕假星期三先開始咁話。」佢話。「我希望你唔係因為屋企人有咩病痛,畀人突然叫返屋企。」佢望落係真心擔心。佢唔只係喺度八掛,你睇得出㗎。
「唔係,屋企個個都無事。」我話。「有事嗰個係我。我要做個手術。」
「吓!對唔住呀。」佢話。同埋,佢真係好過意唔去。我講完就已經覺得唔啱,但太遲喇。
「哎吔,你可唔可以叫酒飲㗎?」佢問我。佢唔係喺度扮蟹,不過。佢太有魅力喇要扮蟹嚟講。
「嗯,唔可以,實際上嚟講。但我通常都買到,因為我嘅高度。」我話。「同埋我都有幾多白頭髮。」我擰側嗰頭畀佢睇我啲白頭髮。真係睇到佢呢。「嚟啦,一齊行啦,做咩唔行呀?」我話。我會好開心佢同我一齊去嘅話。
「我真係覺得我都係唔去好啲。多謝你叫埋我呀,不過。」佢話。
「同埋,餐車好可能都閂咗㗎喇。好夜喇,你知啦。」佢係啱嘅。我完全唔記得晒係咩時間。
跟住佢望住我,問我我驚緊佢會問嘅問題。「Ernest寫嚟話佢會星期三返到屋企,聖誕假星期三先開始咁話。」佢話。「我希望你唔係因為屋企人有咩病痛,畀人突然叫返屋企。」佢望落係真心擔心。佢唔只係喺度八掛,你睇得出㗎。
「唔係,屋企個個都無事。」我話。「有事嗰個係我。我要做個手術。」
「吓!對唔住呀。」佢話。同埋,佢真係好過意唔去。我講完就已經覺得唔啱,但太遲喇。
「唔係好嚴重嘅。我有個小腫瘤喺嗰腦度啫。 」
「吓,唔係嘛。」佢 舉起手按住嗰口。「哎吔,我會無乜事㗎。喺正正腦出邊。同埋好細粒㗎嘛。佢哋兩分鐘就拎到出嚟。」
跟住我喺度睇本身喺我嗰衫袋嘅時間表。只係想停止講大話。我一開始,我可以講成幾個鐘如果我想的。無講笑。幾個鐘。我哋之後無乜再講嘢。佢開始喺度睇佢帶住嗰本Vogue,我望出窗外望咗陣。佢喺Newark落車。佢喺度祝我手術順利。佢不停咁叫我Rudolf。佢又叫我暑假嗰時去探艾仔 ,去Gloucester, Massachusetts。佢話佢哋間屋喺正沙灘上面,又有個網球場又剩,不過我淨係多謝咗佢,同話佢知我我會同婆婆去南美。呢個就真係離譜喇,我阿婆連離開屋都難呀,除咗係去睇套死人戲又或者唔知乜之外。但我點都唔會去探條仆街Morrow㗎喇,就算畀晒全世界啲錢我都好,就算我幾等錢使都好。
「吓,唔係嘛。」佢 舉起手按住嗰口。「哎吔,我會無乜事㗎。喺正正腦出邊。同埋好細粒㗎嘛。佢哋兩分鐘就拎到出嚟。」
跟住我喺度睇本身喺我嗰衫袋嘅時間表。只係想停止講大話。我一開始,我可以講成幾個鐘如果我想的。無講笑。幾個鐘。我哋之後無乜再講嘢。佢開始喺度睇佢帶住嗰本Vogue,我望出窗外望咗陣。佢喺Newark落車。佢喺度祝我手術順利。佢不停咁叫我Rudolf。佢又叫我暑假嗰時去探艾仔 ,去Gloucester, Massachusetts。佢話佢哋間屋喺正沙灘上面,又有個網球場又剩,不過我淨係多謝咗佢,同話佢知我我會同婆婆去南美。呢個就真係離譜喇,我阿婆連離開屋都難呀,除咗係去睇套死人戲又或者唔知乜之外。但我點都唔會去探條仆街Morrow㗎喇,就算畀晒全世界啲錢我都好,就算我幾等錢使都好。
edit
No comments:
Post a Comment