麥田捕手 第七章 廣東話初繹稿
Thursday 23 August 2018
有啲啲光喺我哋房度穿過簾照咗出嚟,同埋,我可以見到佢攤咗床上面。我好肯定佢根本未
瞓著。「「Ackley?」我話。
「你仲未瞓?」
「係呀。」
嗰時好鬼暗,我踩咗落唔知邊個喺地下隻鞋,搞到差到頭落地咁仆街。Ackely喺床上坐咗喺身挨住隻手。佢塊面搽咗好多白色嘢,為咗佢啲暗瘡。黑麻麻望落去佢嗰樣都幾得人驚。
「你做緊啲乜鬼呀?」我問。
「乜嘢做乜鬼呀?我本身諗住瞓結果你哋就喺度嘈生晒。你哋嘈乜嘢呀,到底?」
「嗰燈掣喺邊呀?我揾唔到呀。我用對手喺幅牆掃來掃去喺度揾。
「你開燈嚟做乜?.....喺正你手掌隔籬呀。」
我終於揾到嗰燈掣開燈。Ackley舉起佢對手擋住啲光唔想𥋇親。
「嘩頂!」佢話 。「發生咗咩嘢事呀你?」佢指嘅喺我成塊面都係血。
「我同Stradlater嘈咗幾下啫 。」我話。跟住我就坐咗落地下,
佢哋間房永遠一張櫈都無。 我真係唔知佢哋對佢哋張櫈搞咩嚟。「喂,」我話,「有無興趣鋤返鋪D先?」佢好中意鋤。
「你仲流緊血㗎頂你個肺。你最好都係揾啲嘢㩒住啲傷口。」
「會停㗎喇。喂呀,鋤定唔鋤D呀?」
「鋤D你傻咗咩?你以為而家幾點呀,仲早呀?」
「都唔夜。十一點咁上下咋嘛,最多咪十一點半最多 。」
「咁上下!」Ackley。「喇,頂你我聽朝仲要去彌撒㗎 。你哋就半夜喺度嘈喺度打,你哋究竟喺度為乜嘈。」
「好長篇㗎。我唔想悶親你呀Ackley。我為你著數咋。」我同佢講。我從來都唔會同佢討論我嘅私人生活。首先,佢仲蠢過Stradlater。企喺佢隔籬,連Stradlater都變天才呀。
「喂,」我話,「今晚我瞓Ely張床得唔得呀?佢未到聽晚都未返嚟㗎嘛,係咪?」我好肯定佢唔會返。Ely差唔多每個星期六日都會返屋企瞓。
「我唔知佢幾鬼時返喎。」Ackley話。
頂,真係激鬼氣。「你咩意思呀,你唔知佢幾時返?佢不嬲都係星期日晚先返嚟㗎啦,係咪呀?」
「係,但食屎啦,我唔可以一有人想,我就話係呀你可以瞓佢張床呀。」
真係呢。我 喺地上坐緊嗰度企咗起身,拍一拍佢膊頭。「你簡直係個王子嚟。Ackley 仔」我話。「你知㗎嘛?」
「 頂,我認真㗎,我唔可能就咁同人講係呀你可以瞓張床.....」
「認真,你係無得輸。你又紳士又有學識。」我話。同埋,佢真係咁嘅人。「你會唔會咁啱有煙喺身?如果你話無,我就跳樓。 」
「無呀,我真係無煙。喂,到底你哋頭先嘈乜鬼 ?」
我無答佢。我做嘅就只係,起身行去望去窗外邊。我覺得好孤單,突然之間。我幾乎希望我已經死咗。
「到底你哋係做乜嘢嘈呀?」Ackley問,差唔多問咗第十五次。佢真係好煩喺呢件事。
「因為你?」我話。
「因為我,乜鬼呀 ?」
「係呀。我喺度要幫你保住你個面子咋。Stradlater話你份人好唔掂。佢咁樣我點可以由得佢。」
聽完佢就醒晒。「佢咁講?無講笑?佢真係咁講?」
我話咗畀佢知我只係講笑,跟住我就行咗落去瞓落Ely張床。
唉,我真係自己好垃圾。我真係覺得好孤單。
「呢間房好臭呀。」我話。「隔咁遠你我都聞到你啲襪嘅臭味呀。你係咪從來都無拎過去洗?」
「如果你唔中意嘅,你知可以點做㗎喎。」Ackley 話。你話佢幾醒吖。
「不如閂咗盞死人燈佢啦。」
我無即刻熄燈,不過。只係繼續攤喺Ely張床,係度諗住Jane嘅事。我真係就快癲 ,一諗到佢同Stradlater一齊坐喺肥佬Ed Banky架車入邊。每一次我一開始諗,我就想跳窗。嗰問題係,你唔識Stradlater。我識。Pencey呢度大部份嘅人都係只係得個講字,成日淨係識話要同女仔扑嘢,好似Ackely咁,舉個例,但Stradlater真係會做。我自己就識過兩個女仔係佢搞過嘅。講真。
「講下你嘅生活有幾正畀我知吖,Ackley。」我話。
「閂咗盞死人燈佢好過啦?我聽朝仲要去彌撤㗎。」
我起身熄燈,畀佢開心下。之後我又攤返落Ely張床。
「你想做咩呢?瞓喺Ely張呀?」Ackely 話。佢招呼人真係無得彈。
「可能會。可能唔會。唔使咁擔心喎。」
「我無擔 心。只係,我係唔想Ely突然間返咗嚟見到有條友......」
「放心,我無諗住喺度瞓。你招呼我入嚟我唔會跣你㗎喎。」
幾分鐘之後,佢就已經扯緊鼻鼾。不過,喺漆黑之中,我繼續攤咗喺度,想停止自己再諗Jane同Stradlater一齊留喺Ed Banky架車入面嘅事。但幾乎係無可能。問題係,我知Stradlater啲手段。所以係更加難。我同佢一齊約過女仔出街,又係喺Ed Banky㗎車度,Stradlater坐喺後面,同佢約嗰個女仔,我同我約嗰個就坐前面。佢啲手段真係。佢做嘅係用佢把好靜好真誠嘅聲喺度哄嗰個女仔-就好似佢唔只係好靚仔,同時係個好好、好真誠嘅人。我差啲嘔出嚟,聽住佢講嘢。佢約嗰個女仔不停講,「唔好啦,唔好啦,停啦」。但Stradlater繼續佢把林克咁嘅聲,好誠懇咁氹佢,到最後車後係一陣靜默。真係好尷尬。我唔覺得佢嗰晚有搞到嗰個女人--但差少少㗎咋,只係差少少。
我攤咗喺度嘗試咩都唔去諗嗰陣,我聽到Stradlater喺浴室嗰邊行緊去我哋間房。你可以聽到佢放低佢啲霉晒嘅梳洗手品,同埋打開緊窗。佢好中意要有鮮風。跟 住,過咗陣之後,佢閂咗啲燈。佢甚至無周圍望下睇下我喺邊。
街外邊甚至係更令人灰鳩。你唔會聽到再有任何車聲。我開始有個感覺係,我好孤單,好頹敗,我甚至想叫醒Ackley。
「喂 ,Ackley。」我話,細細聲咁,所以Stradlater隔住嗰簾唔會聽到我把聲。
Ackely都聽唔到,不過。
「喂,Ackley!」
佢都仲係聽唔到。佢瞓到隻死豬咁。
「喂,Ackley!」
佢聽到,終於。
「你搞乜鬼嘢呀?」佢話。「我瞓着咗㗎喇頂你!」
「 喂,去修道嘅話每日有咩要做?」我問佢。去修道呢個諗頭我玩咗玩。「你使唔使係基督徒同點㗎。?」
「你梗係要係基督徒啦。你條仆街,你唔係嘈親我就只係為咗問條咁笨柒嘅問——」
「呀,你返去瞓啦。我去唔到修道㗎喇點都好。我咁嘅運氣,我九成都係會去咗間全都係錯晒嘅修士嘅修道院。全部都係蠢到仆街。又或者只係仆街。
我講緊嗰陣,Ackley坐正咗嗰人喺床上面。「你同我聽住,」佢話,「你點講我同其他人,我唔在乎,但如果你拎我嘅宗教嚟講笑,就仆你個街—」
「放心,」我話。無人拎你個死人信仰嚟講笑。」我喺Ely張床度起身,行去門度。呢個爛鬼氣氛,我唔想再留喺度。我行行下停低咗,不過,我捉起咗Ackley隻手,握咗個扮晒蟹嘅手。佢拔返開佢隻手。
「咩料呀?」佢話。
「無咩料。我只係想多謝你,你成個王子咁嘛,就係咁。」我話。我好誠懇咁講。「你係最好㗎,Ackley仔。」我話。「你知唔知?」
「聰明人。遲早有人會一嘢毆你——」
我都廢事聽佢講。我澎埋門行咗出走廊。
個個人都瞓晒覺或者成個週未都返咗屋企,喺走廊呢度真係好靜好靜,靜到令人沮喪。Leahy 同Hoffman 嗰門口有個空牙膏盒,我一路行去樓梯嗰邊,一路踢佢,用我對羊毛懶佬鞋。我本身以為諗住做咩呢,我諗住我會落樓睇Mal Brossard做緊啲乜。但突然之間,我改變咗主意,我淨係想快鬼啲喺Pency呢度走- 就喺呢一晚就走。我意思係唔再等到星期三喇。我唔會再留喺度揈。喺呢度,我只會更灰更孤單。咁我決定咗做咩呢,我決定會去紐約揾間酒店-mfj 平一平嘅酒店,然後再揈到星斯三先算。之後,到時到星期三,我會返屋企好好地攤抖似返個人。我估未到星期二或者星期三,我老竇老母都應該仲未收到Thurmer校長封信話我畀人踢咗出校。我唔會想返屋企囉,如果佢哋未收到封信同未消化完呢個消息。我唔想在場呀當佢哋收到信嗰時。我阿媽可以發晒神經。佢唔會太癲嘅當佢消化完啲事之後,不過。同埋,我都要有個小小嘅假期。我心攰喇。真係攰。
總之,呢樣就係我決定咗做嘅事。所以我返入房開著燈,開始執嘢。我已經執好咗幾樣嘢。Stradlater醒都醒唔下。我點起枝煙著好衫,再執好咗我嗰兩個走佬袋。 用咗我兩分鐘咁大把。我執嘢係好快手。
執嘢有一樣嘢,會令我有啲灰鳩。我要執埋對滑雪靴,我阿媽係幾日前先寄畀我㗎咋。真係灰。我想像到我阿媽去運動用品鋪度問咗嗰店成千萬個蠢問題——結果我又畀人踢咗出校。一諗我就灰。佢買對錯嘅滑雪靴——我想要對競速用嘅佢買咗對冰上曲球用嘅——但我都係一樣係灰嘅。幾乎每次有人送禮物畀我,到最後我都係會灰起上嚟。
當我執好晒啲嘢,我開始喺度數我有幾錢。我唔記得嗰時實際嗰銀碼係幾多,但總之都幾多下。我阿婆早個禮拜寄咗一大筆錢畀我。我阿婆好有米下。佢而家份人傻下傻下——佢好老㗎喇——佢會不停寄錢畀我做生日禮物,一年四次咁啦。是但啦,就算我手上有好多錢都好,但多幾個錢無死嘅。你永遠唔知㗎嘛。所以我做咗嘅事係,我走落樓下叫醒Frederick Woodrufff,我借咗部打字機畀佢。我問佢佢會畀幾錢買咗佢。佢又係好有米。佢話佢唔知喎。佢話佢唔係咁想買。最後佢都係買咗,不過。部嘢買咗成90蚊美金,佢畀咗20蚊美金就買咗喇。佢好唔爽我嘈醒咗佢。
當我準備好晒要走,當我拎齊晒我啲走佬袋,我喺樓梯隔籬度企咗一陣,我好好地望咗條死人走廊最後一眼。我喊咗喊 。我唔知點解。我戴起我頂紅色獵帽,將嗰帽舌轉去後面,我中意嘅戴法,然後我用盡力氣嗌: 「早抖啦,你班白痴仔!」我夠膽輸睹我叫醒成層樓入面每條粉皮。跟住,我就即刻走人。有啲傻仔將啲花生殻掟到成條樓梯都係,我幾乎跌斷頸。
瞓著。「「Ackley?」我話。
「你仲未瞓?」
「係呀。」
嗰時好鬼暗,我踩咗落唔知邊個喺地下隻鞋,搞到差到頭落地咁仆街。Ackely喺床上坐咗喺身挨住隻手。佢塊面搽咗好多白色嘢,為咗佢啲暗瘡。黑麻麻望落去佢嗰樣都幾得人驚。
「你做緊啲乜鬼呀?」我問。
「乜嘢做乜鬼呀?我本身諗住瞓結果你哋就喺度嘈生晒。你哋嘈乜嘢呀,到底?」
「嗰燈掣喺邊呀?我揾唔到呀。我用對手喺幅牆掃來掃去喺度揾。
「你開燈嚟做乜?.....喺正你手掌隔籬呀。」
我終於揾到嗰燈掣開燈。Ackley舉起佢對手擋住啲光唔想𥋇親。
「嘩頂!」佢話 。「發生咗咩嘢事呀你?」佢指嘅喺我成塊面都係血。
「我同Stradlater嘈咗幾下啫 。」我話。跟住我就坐咗落地下,
佢哋間房永遠一張櫈都無。 我真係唔知佢哋對佢哋張櫈搞咩嚟。「喂,」我話,「有無興趣鋤返鋪D先?」佢好中意鋤。
「你仲流緊血㗎頂你個肺。你最好都係揾啲嘢㩒住啲傷口。」
「會停㗎喇。喂呀,鋤定唔鋤D呀?」
「鋤D你傻咗咩?你以為而家幾點呀,仲早呀?」
「都唔夜。十一點咁上下咋嘛,最多咪十一點半最多 。」
「咁上下!」Ackley。「喇,頂你我聽朝仲要去彌撒㗎 。你哋就半夜喺度嘈喺度打,你哋究竟喺度為乜嘈。」
「好長篇㗎。我唔想悶親你呀Ackley。我為你著數咋。」我同佢講。我從來都唔會同佢討論我嘅私人生活。首先,佢仲蠢過Stradlater。企喺佢隔籬,連Stradlater都變天才呀。
「喂,」我話,「今晚我瞓Ely張床得唔得呀?佢未到聽晚都未返嚟㗎嘛,係咪?」我好肯定佢唔會返。Ely差唔多每個星期六日都會返屋企瞓。
「我唔知佢幾鬼時返喎。」Ackley話。
頂,真係激鬼氣。「你咩意思呀,你唔知佢幾時返?佢不嬲都係星期日晚先返嚟㗎啦,係咪呀?」
「係,但食屎啦,我唔可以一有人想,我就話係呀你可以瞓佢張床呀。」
真係呢。我 喺地上坐緊嗰度企咗起身,拍一拍佢膊頭。「你簡直係個王子嚟。Ackley 仔」我話。「你知㗎嘛?」
「 頂,我認真㗎,我唔可能就咁同人講係呀你可以瞓張床.....」
「認真,你係無得輸。你又紳士又有學識。」我話。同埋,佢真係咁嘅人。「你會唔會咁啱有煙喺身?如果你話無,我就跳樓。 」
「無呀,我真係無煙。喂,到底你哋頭先嘈乜鬼 ?」
我無答佢。我做嘅就只係,起身行去望去窗外邊。我覺得好孤單,突然之間。我幾乎希望我已經死咗。
「到底你哋係做乜嘢嘈呀?」Ackley問,差唔多問咗第十五次。佢真係好煩喺呢件事。
「因為你?」我話。
「因為我,乜鬼呀 ?」
「係呀。我喺度要幫你保住你個面子咋。Stradlater話你份人好唔掂。佢咁樣我點可以由得佢。」
聽完佢就醒晒。「佢咁講?無講笑?佢真係咁講?」
我話咗畀佢知我只係講笑,跟住我就行咗落去瞓落Ely張床。
唉,我真係自己好垃圾。我真係覺得好孤單。
「呢間房好臭呀。」我話。「隔咁遠你我都聞到你啲襪嘅臭味呀。你係咪從來都無拎過去洗?」
「如果你唔中意嘅,你知可以點做㗎喎。」Ackley 話。你話佢幾醒吖。
「不如閂咗盞死人燈佢啦。」
我無即刻熄燈,不過。只係繼續攤喺Ely張床,係度諗住Jane嘅事。我真係就快癲 ,一諗到佢同Stradlater一齊坐喺肥佬Ed Banky架車入邊。每一次我一開始諗,我就想跳窗。嗰問題係,你唔識Stradlater。我識。Pencey呢度大部份嘅人都係只係得個講字,成日淨係識話要同女仔扑嘢,好似Ackely咁,舉個例,但Stradlater真係會做。我自己就識過兩個女仔係佢搞過嘅。講真。
「講下你嘅生活有幾正畀我知吖,Ackley。」我話。
「閂咗盞死人燈佢好過啦?我聽朝仲要去彌撤㗎。」
我起身熄燈,畀佢開心下。之後我又攤返落Ely張床。
「你想做咩呢?瞓喺Ely張呀?」Ackely 話。佢招呼人真係無得彈。
「可能會。可能唔會。唔使咁擔心喎。」
「我無擔 心。只係,我係唔想Ely突然間返咗嚟見到有條友......」
「放心,我無諗住喺度瞓。你招呼我入嚟我唔會跣你㗎喎。」
幾分鐘之後,佢就已經扯緊鼻鼾。不過,喺漆黑之中,我繼續攤咗喺度,想停止自己再諗Jane同Stradlater一齊留喺Ed Banky架車入面嘅事。但幾乎係無可能。問題係,我知Stradlater啲手段。所以係更加難。我同佢一齊約過女仔出街,又係喺Ed Banky㗎車度,Stradlater坐喺後面,同佢約嗰個女仔,我同我約嗰個就坐前面。佢啲手段真係。佢做嘅係用佢把好靜好真誠嘅聲喺度哄嗰個女仔-就好似佢唔只係好靚仔,同時係個好好、好真誠嘅人。我差啲嘔出嚟,聽住佢講嘢。佢約嗰個女仔不停講,「唔好啦,唔好啦,停啦」。但Stradlater繼續佢把林克咁嘅聲,好誠懇咁氹佢,到最後車後係一陣靜默。真係好尷尬。我唔覺得佢嗰晚有搞到嗰個女人--但差少少㗎咋,只係差少少。
我攤咗喺度嘗試咩都唔去諗嗰陣,我聽到Stradlater喺浴室嗰邊行緊去我哋間房。你可以聽到佢放低佢啲霉晒嘅梳洗手品,同埋打開緊窗。佢好中意要有鮮風。跟 住,過咗陣之後,佢閂咗啲燈。佢甚至無周圍望下睇下我喺邊。
街外邊甚至係更令人灰鳩。你唔會聽到再有任何車聲。我開始有個感覺係,我好孤單,好頹敗,我甚至想叫醒Ackley。
「喂 ,Ackley。」我話,細細聲咁,所以Stradlater隔住嗰簾唔會聽到我把聲。
Ackely都聽唔到,不過。
「喂,Ackley!」
佢都仲係聽唔到。佢瞓到隻死豬咁。
「喂,Ackley!」
佢聽到,終於。
「你搞乜鬼嘢呀?」佢話。「我瞓着咗㗎喇頂你!」
「 喂,去修道嘅話每日有咩要做?」我問佢。去修道呢個諗頭我玩咗玩。「你使唔使係基督徒同點㗎。?」
「你梗係要係基督徒啦。你條仆街,你唔係嘈親我就只係為咗問條咁笨柒嘅問——」
「呀,你返去瞓啦。我去唔到修道㗎喇點都好。我咁嘅運氣,我九成都係會去咗間全都係錯晒嘅修士嘅修道院。全部都係蠢到仆街。又或者只係仆街。
我講緊嗰陣,Ackley坐正咗嗰人喺床上面。「你同我聽住,」佢話,「你點講我同其他人,我唔在乎,但如果你拎我嘅宗教嚟講笑,就仆你個街—」
「放心,」我話。無人拎你個死人信仰嚟講笑。」我喺Ely張床度起身,行去門度。呢個爛鬼氣氛,我唔想再留喺度。我行行下停低咗,不過,我捉起咗Ackley隻手,握咗個扮晒蟹嘅手。佢拔返開佢隻手。
「咩料呀?」佢話。
「無咩料。我只係想多謝你,你成個王子咁嘛,就係咁。」我話。我好誠懇咁講。「你係最好㗎,Ackley仔。」我話。「你知唔知?」
「聰明人。遲早有人會一嘢毆你——」
我都廢事聽佢講。我澎埋門行咗出走廊。
個個人都瞓晒覺或者成個週未都返咗屋企,喺走廊呢度真係好靜好靜,靜到令人沮喪。Leahy 同Hoffman 嗰門口有個空牙膏盒,我一路行去樓梯嗰邊,一路踢佢,用我對羊毛懶佬鞋。我本身以為諗住做咩呢,我諗住我會落樓睇Mal Brossard做緊啲乜。但突然之間,我改變咗主意,我淨係想快鬼啲喺Pency呢度走- 就喺呢一晚就走。我意思係唔再等到星期三喇。我唔會再留喺度揈。喺呢度,我只會更灰更孤單。咁我決定咗做咩呢,我決定會去紐約揾間酒店-mfj 平一平嘅酒店,然後再揈到星斯三先算。之後,到時到星期三,我會返屋企好好地攤抖似返個人。我估未到星期二或者星期三,我老竇老母都應該仲未收到Thurmer校長封信話我畀人踢咗出校。我唔會想返屋企囉,如果佢哋未收到封信同未消化完呢個消息。我唔想在場呀當佢哋收到信嗰時。我阿媽可以發晒神經。佢唔會太癲嘅當佢消化完啲事之後,不過。同埋,我都要有個小小嘅假期。我心攰喇。真係攰。
總之,呢樣就係我決定咗做嘅事。所以我返入房開著燈,開始執嘢。我已經執好咗幾樣嘢。Stradlater醒都醒唔下。我點起枝煙著好衫,再執好咗我嗰兩個走佬袋。 用咗我兩分鐘咁大把。我執嘢係好快手。
執嘢有一樣嘢,會令我有啲灰鳩。我要執埋對滑雪靴,我阿媽係幾日前先寄畀我㗎咋。真係灰。我想像到我阿媽去運動用品鋪度問咗嗰店成千萬個蠢問題——結果我又畀人踢咗出校。一諗我就灰。佢買對錯嘅滑雪靴——我想要對競速用嘅佢買咗對冰上曲球用嘅——但我都係一樣係灰嘅。幾乎每次有人送禮物畀我,到最後我都係會灰起上嚟。
當我執好晒啲嘢,我開始喺度數我有幾錢。我唔記得嗰時實際嗰銀碼係幾多,但總之都幾多下。我阿婆早個禮拜寄咗一大筆錢畀我。我阿婆好有米下。佢而家份人傻下傻下——佢好老㗎喇——佢會不停寄錢畀我做生日禮物,一年四次咁啦。是但啦,就算我手上有好多錢都好,但多幾個錢無死嘅。你永遠唔知㗎嘛。所以我做咗嘅事係,我走落樓下叫醒Frederick Woodrufff,我借咗部打字機畀佢。我問佢佢會畀幾錢買咗佢。佢又係好有米。佢話佢唔知喎。佢話佢唔係咁想買。最後佢都係買咗,不過。部嘢買咗成90蚊美金,佢畀咗20蚊美金就買咗喇。佢好唔爽我嘈醒咗佢。
當我準備好晒要走,當我拎齊晒我啲走佬袋,我喺樓梯隔籬度企咗一陣,我好好地望咗條死人走廊最後一眼。我喊咗喊 。我唔知點解。我戴起我頂紅色獵帽,將嗰帽舌轉去後面,我中意嘅戴法,然後我用盡力氣嗌: 「早抖啦,你班白痴仔!」我夠膽輸睹我叫醒成層樓入面每條粉皮。跟住,我就即刻走人。有啲傻仔將啲花生殻掟到成條樓梯都係,我幾乎跌斷頸。
edit
No comments:
Post a Comment