麥田捕手 第五章 廣東話初繹稿
Thursday 5 July 2018
Pencey呢度每逢星期六晚,我哋永遠都係食同樣嘅嘢。聽落就會應該好似好勁咁嘅,因為佢哋會畀牛扒你食喎。我賭一千蚊都得呀,佢哋咁樣做,係因為好多人嘅老竇老母都會喺星期日嚟學校呢度,阿Thurmer條老嘢應該估到每個人嗰阿媽都會問佢哋嗰寶貝仔尋晚食咗咩做晚餐,然後佢就會話「牛扒」。我頂啦。你真係應該要睇下啲掰。佢哋又硬又乾,你幾乎切唔入。喺食扒嘅夜晚,你永遠都會有呢啲一pat pat嘅薯蓉,同埋Brown Betty做甜品,但 無任何人會食,除咗可能係低form 咩都唔識嘅細路--同埋好似Ackley呢啲咩都放得落口嘅人。
嗰時都幾好㗎,不過,當我哋行出飯堂嗰陣。地上有成三寸厚嘅雪,而雪係繼續痴咗線咁係咁落。 睇落去係靚到癲咗,我哋個個開始周圍掟雪球玩嚟玩。係好鬼幼稚,但每個人都好開心咁玩。我無約人乜都無,所以我同我嗰朋友,Mal Brossard,有玩摔交隊嗰個,決定我哋會坐巴士落Agerstown 食個漢堡飽,同或者去睇場爛戲。我們都唔想坐喺度坐足一晚。我問Mal介唔介意Ackely都一齊嚟。我之所以會問,係因為Ackley每個星期六永遠都係咩都唔會做,除咗留喺佢間房擠暗瘡或者其他濕鳩嘢之外。Mal話佢唔介意但佢就唔係咁中意呢個提議㗎喇。佢唔係咁中意Ackley。總之,我哋各自返房準備出門咁啦 ,我著緊我對水鞋同我頂帽 ,我嗌過去問Ackley佢想唔想一齊去睇戲。隔住嗰浴簾,佢係可以聽清楚,但佢無即刻答我。佢喺嗰種唔中意即刻答你嘢嘅人。佢終於行咗過嚟,穿過嗰死人浴簾,企喺浴室邊,問我之外仲有邊個會嚟。佢永遠都要知仲有咩人會嚟。我肯定,如果條友搭架船撞咗唔知喺邊,而你救咗佢上架死人船度,甚至係喺佢上船之前,佢都會想知邊個喺架船上面。我話佢知Mal Brossard都嚟。佢話:「條粉腸呀......好啦。等我一等。」你會以為佢賣緊嗰大人情畀你咁。
佢出門要用成五個鐘先搞掂。佢準備緊出門嗰陣,我行咗去我窗邊,打開窗再用手拎雪整咗個雪球。啲雪好啱用嚟整雪球。我無掟到嗰雪球去邊度,不過。我開始咗掟。 掟落泊咗喺對面街嘅車度。但我諗諗下又唔想。架車睇落幾好同好白。之後我想掟落水龍頭。但睇落又係好靚好白。最後,我咩都無掟到。我做咗嘅就只係閂咗窗 拎咗嗰雪球喺房度行嚟行去,一路壓實啲嗰波。過咗陣之後,我仲係拎住嗰波當我同Brossnad同Ackely一齊上巴士嗰陣。嗰巴士司機打開門要我掟走咗波。我話佢知我唔會塞嗰波去任何人嗰度,但佢唔信我。啲人永遠都唔會信你。Brossard同Ackley兩個都已經睇咗上緊嗰套戲,我哋每個都睇咗,我哋就只係食咗幾個漢堡包同玩咗陣波子機,再搭返巴士返Pencey。睇唔到場戲我無乜所謂,是但啦。應該係套喜戲嚟嘅,有加利格蘭做,同埋嗰堆嘢喇。同埋,我同過Brossrad 同Ackely 去過睇戲。佢哋兩個都會笑到成隻鬣狗咁,就算啲嘢根本唔好笑。我甚至唔中意睇戲嗰時要坐喺佢哋隔籬。
只係八點九咋,我哋返到宿舍嗰陣。Brossard係個穚牌友,佢開始喺宿舍揾人玩返鋪。Ackley就坐咗喺我間房度,有啲唔同嘅。就只係,唔再坐喺Stradlater張椅嘅扶手度,佢瞓咗落我張床,塊面瞓正喺我枕頭上面。佢開始喺度用佢把平到不能嘅聲喺度講嘢,同擠緊佢每一粒嘅暗瘡。我暗示咗佢一萬次,但我都係整唔走佢。佢做嘅就係繼續用佢把平到不能嘅聲係度講上個暑 期佢應該同佢做過愛嘅女仔。佢已經同我講過差唔多過百次喇。每一次佢講呢件事,每一次都唔一樣。呢分鐘佢同佢係喺佢表弟架Buick度搞,下一分鐘佢喺行人路度搞。全部都係吹水,自然地。我唔知我有無見過真正嘅處男但佢肯定係青頭。 我好懷疑佢一路以嚟有無令任何人動心過。總之,最後我 要講到明,話佢知我要幫Stradlater寫篇文,所以佢唔可以再留喺度,咁我先專心到。佢終於肯走,但佢拖盡啲時間,好似平時咁。佢走咗之後,我著返起我套睡衣同睡袍同頂獵帽,開始寫篇文。
問題係,我諗唔到任何一間房一間屋可以用嚟寫描寫文,好似Stradlater話佢需要嘅咁樣。我無乜興趣走去描寫房或者屋不過。所以我做嘅係,我寫咗我阿哥Allie隻棒球手套。佢係一個有好多嘢描寫嘅物件嚟。佢真係㗎。我阿哥Allie有呢隻左手嘅左野手手套。佢係左撇子。有咩好描寫呢,不過,就係佢喺手套嘅手指位同嗰袋位同每一笪地方都寫滿晒詩。用綠色墨水。佢喺手套上面寫詩係為咗有啲嘢可以讀下,當佢喺場上面又未有打擊手嗰陣。佢已經死咗而家。佢因為白血病過咗,當我哋喺Maine嗰陣,喺1946年7月18日。佢當時嘅年齡仲細過我而家兩歲,但佢聰明過我五十倍。佢痴咗線咁聰明。佢啲老師成日寫信畀我老母,話佢哋哋有幾咁開心可以有個好似Allie咁嘅男仔喺佢哋嗰班度。同埋佢哋唔係吹水。佢哋真心係咁諗。但佢唔只係我哋屋企中最聰明嘅一個。佢仲係最好嘅一個,喺好多方面都係。佢從來唔會嬲任何人。有紅色頭髮嘅人應該係好易會發嬲,但Allie從來都唔會,佢啲頭髮仲要係非常之紅。我會話你知佢嗰啲紅髮係邊種。我開始玩高爾夫球喺我得十歲嗰陣。我記得有次,嗰個暑假我大約係十二歲,準備緊開球,有個感覺突然間話我知,如果我轉身,我會見到Allie。所以我轉咗身,同埋果然係咁,佢坐咗喺佢單車喺圍欄外面--呢度有個圍欄圍住晒成個場--而佢就坐咗喺度,約莫喺我一百五十碼後面,睇住我開球。就係呢種紅髮佢有嘅係。天呀,佢係個好人嚟,不過。佢成日會笑得好勁因為某啲佢喺食飯枱諗到嘅嘢,然後笑到就快跌落佢張櫈。我嗰時得十三歲,而佢哋打算帶我去做精神分析,因為我將車房入面所有窗都打爛晒。我唔怪佢哋。我真係無。我瞓咗喺車房喺佢死嗰晚,我打碎所有爛鬼窗,用我嘅拳頭,就只係我好想做。我甚至想打爛埋嗰間我哋嗰個先買嘅車嘅所有窗口,但我對手已經傷鬼晒喺嗰時,我做唔到。咁做係非常之蠢,我會認,但嗰時我甚至唔知自己係做緊呢件事,同埋你唔識Allie。我對手到而家偶爾都仲會痛當落雨嗰陣,同時我而家握唔到真嘅拳頭,握唔到實,我意思--但除咗咁,我無乜介意。我意思係我又係要去做死人外科醫生又或者小提琴家又或者乜乜乜。
是但啦,呢樣就係我幫Stradlater篇文寫嘅嘢。Allie嘅棒球手套。我咁啱帶咗佢喺度,喺我嗰行李箱度,所以我拎咗佢出嚟,抄低寫咗喺上邊嘅嗰首詩。我要做嘅就只係改咗Allie嗰名
,咁就無人會知嗰手套係我阿哥嘅而唔係Stradlater嘅。我唔係太想咁樣做,但我諗唔到其他嘢去描寫喇。同埋,我有啲中意寫呢隻手套。用咗我一個鐘左右啦,因為我要做Stradlater嗰爛鬼打字機,同埋佢喺咁Jam 紙。我無用我自己嗰部嘅原因係我借我嗰部畀宿舍樓下嘅一條友。
大約係十點半啦,我估,我寫完嗰陣係。我唔攰,不過,所以我望出窗口望咗陣。已經無再落雪,但每隔一陣你就可以聽到有架唔知喺邊嘅車撻唔著。你仲可以聽到Ackley扯緊鼻寒。就喺正浴簾隔籬你可以聽到佢 。佢鼻竇有問題,同埋佢呼吸唔太𣈱順瞓緊嗰陣。呢條友真係咩都有齊。鼻竇有事,面有暗瘡,又有爛牙,又有口氣,連指甲都有問題。你真係會覺得呢條友陰功豬。
edit
No comments:
Post a Comment